Never ignore your friends just because you’re in a relationship!
May mga kaibigang gan’to diba? Nakakainis lang kasi paunti-unti ka nilang nakakalimutan dahil lang may ka-date sila, may taong andyan na sa kanila o dahil masyado nilang napapasaya ‘yung taong ‘yun kaya’t nakakalimutan nilang may kaibigan pala sila. ‘Wag na ‘wag mong balewalain ang mga kaibigan mo dahil lang may syota ka na.
- Dahil sila ang takbuhan mo kapag nag-aaway kayo.
- Sila ang mapagsasabihan mo ng kung anu-ano sa tuwing nakakalabuan kayo ng syota mo.
- Sila ang makaka-usap mo kapag hindi ka kinakausap ng kasintahan mo.
- Sila ang makaka-date mo, magpupunta ng mall o kakain ng sama-sama kapag sinabi ng syota mo na busy siya sa araw na ’yun.
- Sila ang matatanungan mo ng payo kapag nahihirapan ka sa sitwasyon niyo ng dalawa ng syota mo.
- Sila ang magtatahan sa’yo kapag umiiyak ka dahil dyan sa syota mo!
- Sila ang masasabihan mo ng sikreto o problema na hindi mo masabi-sabi sa partner mo.
- Sila ang magpapa-saya sa’yo kapag nalulungkot ka at hindi ka kayang pasayahin ng syota mo.
- Ibibigay nila ang buong oras na kailangan mo na hindi kayang ibigay ng syota mo sa’yo.
- Mahal ka man ng syota mo, sila pa din ang magmamahal sa’yo kahit anong mangyari.
Kaya kahit nagkaroon ka man syota, hindi dapat natin sila binabalewala, dahil iba pa rin kapag may kaibigan kang andyan sa panahon na magkalabuan man kayo ng karelasyon mo. Maging pantay ang oras na binibigay mo sa kanila, pati na rin ang pagpaparamdam mo ng importansya sa kanila. Tandaan: Ang syota napapalitan, pero ang mga tunay na kaibigan, hindi!
