5 Painful things: 

1. Ma-Gerald Anderson 
2. Ma-Kris Aquino 
3. Ma-Claudine Barretto 
4. Ma-Janine Tugunon 
5. Ma-Jed Salang

Gusto mong sumaya?

Kailangan mong ma-Katrina Rose. 

Ganun kasi kapag mahal mo… Iintindihin mo.

Kahit wala na siyang oras sa’yo at medyo busy siya sa ibang bagay, iintindihin mo, dun siya masaya eh. Kahit okay lang sa kanya na ‘wag na siya mag-load at ‘di na kayo mag-text, iintindihin mo kasi sabi niya magpa-miss muna daw sa isa’t-isa. Gagawin niya ‘yung mga bagay na ayaw mo, pero iintindihin mo dahil sabi niya magtiwala ka lang. Kakausapin niya ‘yung ibang babae/lalaki, iintindihin mo kasi sabi niya magkaibigan lang sila. Pakikisamahan niya ‘yung iba, pero sabi niya gusto niyang mag-enjoy at magsaya, kaya iintindihin mo kasi ‘yun naman ang gusto mo. Ang maging masaya siya. Hindi na niya kakausapin, kasi wala naman din kayong paguusapan, iintindihin mo kasi sabi niya baka masayang lang oras niyong dalawa… At marami pang sitwasyon katulad ng mga ganiyan. 

Iintindihin mo siya kahit minsan, ‘di ka niya kayang intindihin. Ganun kasi ‘pag mahal mo.

Lagi kong pinapasa-Diyos ang relasyon namin.

Una, nagpapasalamat ako na naibigay niya sa’kin ang lalaking tulad niya. Na binigay niya siya sa’kin upang pasayahin ako at maging lakas ko. Na ‘wag niya sanang hayaan ang lalaking pinakamamahal ko. 

Pangawala, sa tuwing meron kaming ‘di pagkakaitindihan dalawa… Ipinagdadasal ko na bigyan niya kami ng lakas ng loob para ipaglaban pa ‘to. Na sana, ‘wag humantong sa hiwalayan ang relasyon naming dalawa. Tinutulungan niya ko para ‘wag mag-desisyon sa mga bagay na ‘di ko basta-basta dapat gawin. Pero minsan, ‘di ko maiwasang matanong Sakanya. “Siya na po ba talaga ang para sa’kin?” Pero sinong nakakaalam diba? Kaya siya na bahala dun. Kaya ang sarap makipag-love-triangle kay God eh. 

“A Christ-centered relationship is a relationship that lasts.”

“Palayain ang isa’t isa. Kung kayo, kayo talaga.”

Luma na ‘yan! ‘Pag pinalaya niyo ang isa’t-isa, ayun hahanap ng bagong kalandian, magiging sila. Tapos magbe-break din sila. Tapos hahanap ulit. Parang tumikim siya lang ng pagkain, hindi na niya gusto kaya tumikim siya ng ibang putahe. Tapos, kakain siya ulit ng panis? Ayaw mo naman sigurong mangyari na maraming dumaang babae/lalaki sa buhay niya matapos ka, tapos magiging kayo ulit?

Malabo kasi ‘yung magsasabihan kayo ng, “Hihintayin kita. Magiging akin ka ulit.. Kapag tama na ang lahat. Kapag pwede na ang dapat.” IMPOSIBLE! Kung feeling niyo nagkakalabuan na kayo, kung kaya pa, maayos naman diba? ‘Wag kang maniwala sa salitang ‘yan. ‘Yung mga linyang: “Kahit na magkahiwalay tayo ngayon, sana tayo parin sa huli.” ay isang malaking katarantaduhan. Nakakaloko eh no?

Ayoko sa lahat, yung binabalewala ako.

Alam mo ‘yung feeling na gusto mo ng bumitaw kasi pagod ka na, sobrang sakit na at hindi mo na kaya. Pero ‘di mo magawa kasi mahal mo?

Parang ang sarap ipamukha sa taong nakasakit sa’yo noon, ‘yung mga saya na nararamdaman mo ngayon. ‘Yung tipong, pinaiyak ka niya, sinasaktan ka niya, pinapaasa ka niya noon, tapos nung nagtagal, tumigil ka. Biglang isang araw, wala na. Hindi mo na siya mahal. Lumipas ang mga buwan at taon, siya na ‘yung andyan para sa’yo. Siya na ‘yung naghahabol. Ginagawa niya ‘yung mga katangahan na ginawa mo noon sa kanya.

Masasabi kong ang pagiging masaya mo nung nawala siya, ang pinakadabest na ganti sa taong nanakit sa’yo noon. Ngayon, magsisisi siya kung gaano siya katanga noon para saktan ka…  

What she says. What she really means.

• Sasabihin niyang, “Okay ako.” Ang gusto niya talagang sabihin: “Hindi ako okay.”
• Sasabihin niyang, “Sige, ikaw bahala.” Ang gusto niya talagang sabihin: “‘Wag! ‘Wag mong gagawin.”
• Sasabihin niyang, “‘Di ako galit.” Ang gusto niya talagang sabihin: “Galit ako.”
• Sasabihin niyang, “Nilalamig ako.” Ang gusto niya talagang sabihin: “Yakapin mo ako.”
• Sasabihin niyang, “I hate you!” Ang gusto niya talagang sabihin: “I love you.”
• Sasabihin niyang, “5 minutes, tapos na ko!” Ang gusto niya talagang sabihin: “Isang oras ako matatapos.”

Ugali ng mga babae ang ganyan ‘pagdating sa lalaking gusto nila. Yup! Girl’s logic nga daw. Kaya kailangan nila ‘yung lalaking ‘di magsasawang intindihin sila. Pero may mali pa din sa gan’to. Hindi naman kasi manghuhula ang mga lalaki para malaman nila kung ano talaga ang gustong sabihin at nararamdaman ng isang babae.

Ganyan ang mga babae dahil sadyang pakipot sila.